Liberálalaš borgárlaš ráđđehus

Sosiálademokráhtalaš ráđđehus lea daid maŋemuš gávcci jagiid eahpelihkostuvvan skuvllain ja integrašuvnnain. Ruoŧŧa dárbbaša borgárlaš ráđđehusa, ovtta nanu liberálalaš bellodaga, mas leat čovdosat sihke skuvllaid váttisvuođaide ja servodaga váttisvuođaide, omd váttisvuođat mat gusket olggušteapmái servodagas.  Liberálat háliidit ráđđet Moderáhta bellodagain ja Kristtalašdemokráhtalaš bellodagain. Mii leat gergosat ságastit buot bellodagaiguin riikabeaivvis nu ahte mii oažžut min politihkka oidnosii.

Oahpahus ja integrašuvdna

Oahpahus lea maid friddjavuohta. Ruoŧa boahtteáigi lea min klássalanjain odne ja danin lea skuvla dehálaš Liberálaide. Liberálat leat maid Ruoŧa integrašuvnna bellodat. Sosiálademokráhtalaš integrašuvdnapolitihka lea dagahan ahte bealle miljovnna olbmo orrot

guovlluin, gos leat olu hástalusat ja gos maiddái eai leat nu olu vuoigatvuođat. Mis lea plána got daid guovlluid veahkeha. Jus plánat galget šaddat duohtan de dárbbašuvvo eanet fuomášumi ohppui skuvllas, bargoráffi ja čorgatvuohta klássalanjain, giellaoahpahus sisafárrejeaddjiide, geat leat easka boahtán Ruŧŧii, vearuid vuolideapmi sidjiide geat barget, eanet bargovejolašvuođat ja ođđa ráđđehus válggaid maŋŋá čakčat.

Skuvlapolitihkka mas leat alla ulbmilat

Liberála bellodagas lea skuvla guovddážis. Klássalanjain galgá leat bargoráffi ja čorgatvuohta. Buot oahppiin galget leahkit albma skuvlagirjjit buot ávdnasiin. Lea dehálaš ahte váhnemat ja oahppit ieža ožžot válljet skuvlla. Ruoŧas galget leahkit friddjaskuvllat, muhto oahpahusa kvaliteahta lea deháleabbo go osiid árvu friddjaskuvlafitnodagas.

Skuvla gos oahppu lea guovddážis

Skuvllas ferte oahppobohtosiid buoridit. Árvosátnegáibádusat galget leahkit čielgasat ja oahppi, gii dárbbaša veahki, galgá oažžut dan árrat skuvlejumis.  Oahppit, geain lea álkit oahppat skuvllas, galget maid hástaluvvot oahppat eanet. Min ulbmil lea ahte Ruoŧa skuvla galgá leat okta dain buoremus skuvllain máilmmis.

Eanet áiggi klássalanjas

Mii dárbbašit lasihit oahpahusdiimmuid ja maiddái eanet diimmuid skuvllas, mat oahpaheaddjit jođihit. Oahppit, geain leat váttisvuođat skuvllas, galget oažžut eanet oahppodiimmuid ja sis, geain lea álki skuvllas, galget oažžut eanet hástalusaid. Oahppit, geat eai oaččo dohkkejuvvon árvosániid, galget vázzit skuvlla luomuin.

Bargoráffi lea dehálaš

Skuvllas lea odne ilá stuibmi ja skuvla ii leat oadjebas. Skuvla dárbbaša njuolggadusaid ja čielga konsekveanssaid sidjiide geat billistit olbmáid ovddas. Oahpaheaddjit galget mearridit klássalanjas ja sis galgá leahkit čielga riekti doallat bargoráfi diimmuin. Beare dalle lea oahppiin vejolašvuohta dovdat oadjebasvuođa ja doallat fuomášumi.

Integrašuvdnapolitihka mii bokte olggušteami

Min politihkain mii čađahit integrašuvnna. Mii bearráigeahččat ahte eanet olbmot, geat leat olggobealde servodaga, ohpet ruoŧagiela, ožžot barggu ja šaddet oassin servodagas. Juohke álbmotborgáris min riikkas lea riekti orrut oadjebas birrasis.

Ruoŧagiella guovddážis

Ruoŧagielain beasat juohke sadjái ruoŧa servodagas. Mii háliidit giellaovdaskuvlla mánáide, geat leat easka boahtán deike, ja giellaiskosa álbmotborgárvuođa vuođđun. Eanet olbmot galget beassat oahppat ruoŧagiela barggus ja sii, geat leat easka boahtán Ruŧŧii, galget oažžut ruoŧagiel- ja servodatmáhttooahpahusa juo vuosttaš beaivvi. Ii leat vejolaš čađahit integrašuvnna jus ruoŧagiella ii leat guovddážis.

Buot geat sáhttet bargat galget bargat

Nuorat ja sisafárrejeaddjit, geat leat easka boahtán Ruŧŧii, dárbbašit eanet fidnooahpahusaid. Mii oaivvildit ahte vaikko bálkká lea unni de lea buoret oažžut barggu go doarjagiid. Buot galget oažžut vejolašvuođa bargat, dinet ruđaid ja váikkuhit servodahkii dan ládje.

Bijut givssideami vuostá

Duhátviissaid nuorra nieiddat ja bártnit vásihit givssideami, mas lea jearaldat gudnis. Skuvla ja dearvvašvuođalágádus dárbbašit bargat eanet dakkár givssidemiid vuostá. Liberálat háliidit gieldit mánáid- ja oambealle náitosdiliid ja maiddái garrasit ráŋggáštit sii geat dahket vearredaguid gudni namas.

Eanet liberálalaš politihkka

Teknihkkačovdosat gádjun dihte klimáhta.  Mii jáhkkit ahte ođđa teknihkka ja fuomášumit  leat čovdosat mat veahkehit min čađahit klimáhttaheiveheami. Mii háliidit ođasmahttit atomafámu ja mii maid háliidit čađahit nuoskkideami divada.

Vearuvuolideapmi go bargá. Galgá leat mávssolaš bargat ja studeret. Mii dárbbašit vuolidit vearuid nu ahte dábálaš olbmot ožžot eanet ruđaid gihtii. Galgá álot leahkit buoret bargat go oažžut doarjaga.

Juo Eurohpái.  Mii jáhkkit ahte dán áiggi hástalusaid lea beare vejolaš čoavdit ovttasbargguin.  Riikat Eurohpás fertejit ovttasbargat jus mii galgat ceavzit rádjerasttildan hástalusaiguin dego klimáhta, sirddolašvuohta ja klimáhtaáitagat.

Doalahit persovnnalaš veahki.  Mii leat miháš ahte mii introduseriimet persovnnalaš veahki rievtti sidjiide geat dárbbašit dan. Dus lea riekti mearridit áššiid birra mat gusket du eallimii ja friddjavuhtii, beroškeahttá jus don dárbbašat veahki árgabeaivvis dahje it.